2025 წლის 26 ნოემბერს, მახინჯაურის საზღვაო სკოლაში გაიმართა საჯარო ლექცია თემაზე: „საზღვაო შრომის კონვენცია: მეზღვაურთა საერთაშორისო საზღვაო მინიმალური სტანდარტები“.
ლექციას უძღვებოდა ბათუმის ნავიგაციის უნივერსიტეტის მოწვეული სპეციალისტი, იურისტი, მარიამ ჯაყელი, რომელმაც დამსწრეებს გააცნო კონვენციის მნიშვნელობა გემთმფლობელებისა და მეზღვაურებისთვის, ასევე, ინფორმაცია საერთაშორისო სტანდარტებზე, არსებულ პრაქტიკასა და იმ ძირითად საკითხებზე, რომლებიც უშუალოდ გავლენას ახდენს მეზღვაურების სამუშაო პირობებსა და კეთილდღეობაზე.
ღონისძიებას მახინჯაურის საზღვაო სკოლის მოსწავლეები და პროფესიული სტუდენტები დაესწრნენ. ლექცია მახინჯაურის საზღვაო სკოლის ბიბლიოთეკის ინიციატივითა და ორგანიზებით ჩატარდა.
