2026 წლის 21 მარტს, დაუნის სინდრომის საერთაშორისო დღის აღსანიშნავად, მახინჯაურის საზღვაო სკოლაში გაიმართა საგანმანათლებლო ღონისძიება, რომელშიც XI და XII კლასის მოსწავლეებმა მიიღეს მონაწილეობა. ღონისძიების ფარგლებში ჩატარდა პრეზენტაცია თემაზე – „ქრომოსომებს არ ითვლიან“.
დაუნის სინდრომის საერთაშორისო დღე 2006 წლიდან აღინიშნება. თარიღი სიმბოლურადაა შერჩეული - 21 მარტი აღნიშნავს ტრისომიას, როცა ადამიანს 21-ე ქრომოსომის დამატებითი ასლი აქვს და ჯამში 47 ქრომოსომა აღენიშნება.
პრეზენტაციის მიზანი იყო მოსწავლეების ცნობიერების ამაღლება, ინფორმაციის გავრცელება და საზოგადოების დამოკიდებულების შეცვლის ხელშეწყობა. შეხვედრაზე განსაკუთრებული ყურადღება დაეთმო ინკლუზიის მნიშვნელობასა და იმ ფაქტს, რომ თითოეული ადამიანი უნიკალურია, მიუხედავად განსხვავებებისა.
