2026 წლის 21 აპრილს, მახინჯაურის საზღვაო სკოლაში გაიმართა დედაენის დღისადმი მიძღვნილი საჯარო ლექცია თემაზე: „ქართული ენა - ჩვენი იდენტობის ფარი და მომავლის ენერგია, ენის დაცვისა და პოპულარიზაციის კონცეფცია“. ლექციას უძღვებოდა ქართული ენისა და ლიტერატურის მასწავლებელი, ანჟელა ჯაყელი.
ლექციის ფარგლებში ყურადღება გამახვილდა იმ გამოწვევებზე, რომელთა წინაშეც ქართული ენა დგას გლობალიზაციის ეპოქაში. საუბარი შეეხო არა მხოლოდ ენის ფიზიკური არსებობის შენარჩუნებას, არამედ მისი სიწმინდის, ავთენტურობისა და მნიშვნელობის დაცვას თანამედროვე სამყაროში.
ღონისძიებამ ხელი შეუწყო მოსწავლეებში ეროვნული თვითშეგნების გაძლიერებასა და პასუხისმგებლობის გაზრდას საკუთარი კულტურული მემკვიდრეობის მიმართ.
