2026 წლის 23 აპრილს, მახინჯაურის საზღვაო სკოლაში წიგნისა და საავტორო უფლებების მსოფლიო დღე აღინიშნა. ღონისძიება სკოლის ბიბლიოთეკის ორგანიზებით ჩატარდა.
ღონისძიების ფარგლებში, მახინჯაურის საზღვაო სკოლის მოსწავლეებმა და პროფესიულმა სტუდენტებმა ერთმანეთს წიგნები აჩუქეს. აღნიშნული აქტივობა ხაზს უსვამს წიგნის, როგორც უნივერსალური ღირებულების მქონე საჩუქრის როლს საზოგადოებრივი ცნობიერების ამაღლებაში.
წიგნების გაცვლის პარალელურად, მოსწავლეებსა და პროფესიულ სტუდენტებს შესაძლებლობა ჰქონდათ გაეზიარებინათ საკუთარი ემოციები და ხედვა. მათ დატოვეს ჩანაწერები თემაზე თუ რას ნიშნავს მათთვის ბიბლიოთეკა.
წიგნისა და საავტორო უფლებების მსოფლიო დღე UNESCO-ს ინიციატივით ყოველწლიურად აღინიშნება და მისი მიზანი კითხვის პოპულარიზაციაა.
