2026 წლის 25 მაისს, მახინჯაურის საზღვაო სკოლაში, საქართველოს დამოუკიდებლობის დღისადმი მიძღვნილი საჯარო ლექცია გაიმართა.
ღონისძიების მთავარ მიზანს ეროვნული ფასეულობების პოპულარიზაცია და მოსწავლეთა ცნობიერების ამაღლება წარმოადგენდა.
შეხვედრაზე აღინიშნა, რომ 26 მაისი საქართველოს ისტორიის უმნიშვნელოვანესი თარიღია - დღე, როდესაც ქვეყანამ დამოუკიდებლობა და ეროვნული თვითმყოფადობა მოიპოვა.
ლექციის მსვლელობისას განსაკუთრებული აქცენტი გაკეთდა ისტორიულ კონტექსტზე. მომხსენებლებმა ვრცლად ისაუბრეს დამოუკიდებლობის აქტის გამოცხადებიდან დღემდე განვლილ რთულსა და საინტერესო გზაზე, რამაც მოსწავლეების დიდი ინტერესი გამოიწვია.
