მახინჯაურის საზღვაო სკოლამ მონაწილეობა მიიღო მეცნიერების რეგიონულ ფესტივალში, რომელსაც 16 სექტემბერს ბათუმის შოთა რუსთაველის სახელმწიფო უნივერსიტეტმა უმასპინძლა. ღონისძიება საქართველოს განათლების, მეცნიერებისა და ახალგაზრდობის სამინისტროს ინიციატივითა და დაფინანსებით გაიმართა.
ფესტივალის მიზანი იყო მეცნიერების პოპულარიზაცია, საქართველოს რეგიონებში არსებული სამეცნიერო პოტენციალის წარმოჩენა, ახალგაზრდა მკვლევრების, სტუდენტებისა და მოსწავლეების ჩართულობის გაძლიერება, აგრეთვე მეცნიერების ფართო საზოგადოებისთვის ხელმისაწვდომობის უზრუნველყოფა.
ფესტივალმა მახინჯაურის საზღვაო სკოლის წარმომადგენლებს შესაძლებლობა მისცა ფართო საზოგადოებისთვის გაეცნოთ სამეცნიერო მიღწევები, მიმდინარე კვლევითი საქმიანობა და საზღვაო განათლებისა მიმართულებით განხორციელებული ინიციატივები.
