2026 წლის 28 სექტემბერს, მახინჯაურის საზღვაო სკოლაში სოხუმის დაცემის დღესთან დაკავშირებით საჯარო ლექცია „სოხუმი - ტკივილი, მეხსიერება და უტეხი სული“ ჩატარდა. ღონისძიებას სკოლის მოსწავლეები და პროფესიული ინტეგრირებული პროგრამის სტუდენტები დაესწრნენ.
შეხვედრის მიზანი იყო ისტორიული მეხსიერების გაცოცხლება, აფხაზეთის ომის მოვლენების გააზრება და ტერიტორიული მთლიანობისთვის დაღუპულ გმირთა ხსოვნისადმი პატივის მიგება. ინტერაქციული ლექციის მიმდინარეობისას ახალგაზრდებმა იმსჯელეს ეროვნულ ღირებულებებზე, სამოქალაქო პასუხისმგებლობასა და ერთიანობის მნიშვნელობაზე.
მახინჯაურის საზღვაო სკოლა აქტიურად აგრძელებს ისეთი საგანმანათლებლო ინიციატივების მხარდაჭერას, რომლებიც ხელს უწყობს მოზარდებში ეროვნული ცნობიერების ამაღლებასა და პატრიოტული სულისკვეთების გაძლიერებას.
საჯარო ლექცია ქართული ენისა და უცხო ენათა და საზოგადოებრივ მეცნიერებათა კათედრების ორგანიზებით ჩატარდა.
