2023 წლის 17 თებერვალს, ბათუმის ნავიგაციის სასწავლო უნივერსიტეტის წარმომადგენლები ახალსოფლის საჯარო სკოლის მოსწავლეებს შეხვდნენ.
პროფესორმა, ბნსუ-ს ხარისხის უზრუნველყოფის სამსახურის უფროსმა, ნათია მიქელთაძემ და ბნსუ-ს საზღვაო-საინჟინრო ფაკულტეტის სპეციალისტმა, ენრიკე ინწკირველმა მოსწავლეებს სრულყოფილი ინფორმაცია მიაწოდეს საგანმანათლებლო დაწესებულებისა და იმ შესაძლებლობების შესახებ, რომელთაც უნივერსიტეტი სთავაზობს აბიტურიენტებს 2023 წელს.
პრეზენტაციის დასრულების შემდეგ, შეხვედრა კითვა-პასუხის რეჟიმში წარიმართა.
ღია კარის დღე ბნსუ-ს საზოგადოებასთან ურთიერთობის სამსახურის მიერ დაიგეგმა.
