2023 წლის 14 თებერვალს, მახინჯაურის საზღვაო ლიცეუმში, გეოგრაფიის პედაგოგმა, ეკატერინე სირაბიძემ ჩაატარა ლექცია-ვებინარი ბუნებრივი კატასტროფების თემატიკის მიმართულებით.
ლექცია-ვებინარს მახინჯაურის საზღვაო ლიცეუმის მოსწავლეები და პროფესიული სტუდენტები დაესწრნენ.
შეხვედრაზე ისაუბრეს მიწისძვრის გამომწვევ მიზეზებზე, განიხილეს თურქეთისა და სირიის დამანგრეველი სტიქიის შედეგები.
თებერვლის მიწისძვრების შედეგად თურქეთში დაღუპულთა რიცხვმა 41 156-ს მიაღწია. უცნობია რამდენი ადამიანი ითვლება დაკარგულად. თურქეთის მთავრობის მონაცემებით, დანგრეული, ან სერიოზულად დაზიანებულია დაახლოებით 118 000 შენობა. სტიქიური უბედურების ზონიდან ევაკუირებულია 485 000-ზე მეტი ადამიანი.
6 თებერვალს მომხდარ მიწისძვრას მსხვერპლი და ნგრევა მოჰყვა თურქეთის მეზობელ სირიაშიც, სადაც 5 000-ზე მეტი ადამიანი დაიღუპა.
