2023 წლის 22 მარტიდან 29 მარტის ჩათვლით მახინჯაურის საზღვაო ლიცეუმში ჩატარდა კვირეული ,,წყალი -სიცოცხლეა“.
კვირეულის მიზანი იყო მოსწავლეთა ინფორმირება ეკოლოგიური პრობლემების შესახებ, ასევე მოსწავლეთა შემოქმედებითი და დაკვირვების უნარების განვითარება.
კვირეულის ფარგლებში, 22 მარტს, მოეწყო გასვლითი ღონისძიება. ლიცეუმის მოსწავლეებმა მონაწილეობა მიიღეს წყლის დაცვის დღისადმი მიძღვნილ ღონისძიებაში.
- 23 მარტს, მოეწყო წყლის საერთაშორისო დღესთან დაკავშირებით მომზადებული ჟურნალის პრეზენტაცია.
- 24 მარტს, მოეწყო ,პრეზენტაცია-გაკვეთილი ,,წყალი -სიცოცხლის წყაროა ”.
- 27 მარტს, ჩატარდა ვიქტორინა ,,წყლის საიდუმლო“.
- 28 მარტს, მოეწყო სლაიდ-შოუ ,,წყლის სილამაზე“.
წყლის საერთაშორისო დღისადმი მიძღვნილი კვირეული 29 მარტს დაიხურა ღონისძიებით, რომელზეც ლიცეუმის მოსწავლეები დააჯილდოვეს.
1993წლიდან გაეროს გენერალური ასამბლეის გადაწყვეტილებით მთელ მსოფლიოში 22 მარტი წყლის რესურსების დაცვის საერთაშორისო დღეა.
წყლის დღე - შეახსენებს მთელს მსოფლიოს, რომ მტკნარი წყლის მარაგი პლანეტაზე ძალიან მცირეა.
დედამიწაზე არსებული წყლის მხოლოდ 3%-ია სასმელად ვარგისი, თუმცა ადამიანისთვის ხელმისაწვდომი მხოლოდ 0,3%-ია.
