2023 წლის 6 ივლისს, IFES-მა მახინჯაურის საზღვაო ლიცეუმთან თანამშრომლობით, აჭარის ავტონომიური რესპუბლიკის საუნივერსიტეტო და პროფესიული საგანმანათლებლო დაწესებულებების ლექტორებსა და სტუდენტებს გააცნო სხვადასხვა წლებში განხორციელებული სამოქალაქო ჩართულობის საუკეთესო სტუდენტური პროექტები, რომელთა მიზანია საკუთარი უფლებების შესახებ საზოგადოების ინფორმირება, საარჩევნო და სამოქალაქო ჩართულობისთვის საჭირო კომპეტენციებისა და მოტივაციის ამაღლება. ამასთანავე, ღონისძიებაზე IFES-ის 2023 წლის კონკურსში გამარჯვებულმა სტუდენტებმა აუდიტორიას თავად გაუზიარეს პროექტის შექმნისა და განხორციელებისას მიღებული გამოცდილება და მიღწეული შედეგები.
სტუდენტებმა აღნიშნეს, რომ პროექტებზე მუშაობამ განუმტკიცათ თავიანთი თავის რწმენა, დაანახათ მათი როლი დემოკრატიულ საზოგადოებაში და მისცათ მოტივაცია, თანატოლებთან ერთად მომავალშიც გააგრძელონ საზოგადოებისთვის პრობლემური საკითხების მოგვარება.
IFES-ისთვის მნიშვნელოვანია, პროფესიული საგანმანათლებლო დაწესებულებების სამოქალაქო განათლების პედაგოგებსა და სტუდენტებს გაუზიაროს საუნივერსიტეტო დონეზე სამოქალაქო განათლების სწავლა-სწავლების 12 წლიანი წარმატებული გამოცდილება.
ღონისძიებას მახინჯაურის საზღვაო ლიცეუმმა უმასპინძლა.
